تفاعل واسع حظيت به الحلقة 21 من مسلسل "الاختيار 3" الذي يعرض هذا العام تحت عنوان "القرار"، ويشارك في بطولته عدد كبير من نجوم الفن.
وعرضت الحلقة تسجيلا صوتيا للواء عبدالفتاح السيسي، مدير المخابرات الحربية حينها، وهو يوجه حديثه للقيادي الإخواني محمد مرسي بحضور خيرت الشاطر، نائب مرشد جماعة الاخوان الإرهابية.
السيسي:
إحنا أولى الناس وأحرص الناس على أن ميكونش في أبدا إصابات ولا حالة عدم استقرار في مصر
مرسي:
طبعا
السيسي:
لكن الوضع اللي على الأرض غير كده الواقع بيستهدف ده
وإن معرفش يجيلك النهاردة في الميدان هيجيلك في حتة تانية.. الانتخابات بكرة، يضرب حد بالنار ضابط أوعسكري
عشان يعمل حاجة تانية، يروح جاي على الكنايس يا دكتور سعد خلال الكام يوم الجايين فيه احتفالات بتاع المسيحين سواء اللي قبل أو اللي بعد قبل ديسمير أو في 7 يناير عشان يعمل حاجة ثالثة.. ده موضوع مش محتاج جهد أقل من كده، لأ ده محتاج جهد أمني وجهد منكم.
ما هي مبادرة الإخوان لحل هذه المسألة؟
أنتم ليكم مبادرة تعملوها لأن أنتم قوة ولكم مكانتكم على الأرض ولكم قدرتكم وكفاءتكم؟ اللي ميعملهاش يبقى بيتخلى عن المسؤولية بقولك خلاص كده، إن روحت فيها يبقى ده الموضوع بتاعنا، إن حالة الفهم الموجودة عندنا عن الموقف وأسبابه دي مسؤولية أمام ربنا مش أمام مصر بس
أنا فاهم ليه كده؟
المواطن العادي في الشارع ميعرفش ده.
شهدت الحلقة 20 من مسلسل الاختيار 3، تسليط الضوء على ما شهدته جامعة الأزهر في عهد جماعة الإخوان الإرهابية من حادثة تسمم للمئات من طلاب الأزهر القاطنين في المدينة الجامعية، بعد تناولهم وجبة غذائية.
ونظم طلاب جامعة الأزهر إثر ذلك مسيرة إلى مشيخة الأزهر؛ تنديدًا بتسمم المئات من زملائهم بالمدينة الجامعية، واقتحم الطلاب فور وصولهم مقر المشيخة.
كما حاولت قيادات الجماعة الإرهابية تنظيم مظاهرات ضد شيخ الأزهر لإجباره على مشروع الصكوك الذي اقترحه الإخوان ويريدون تنفيذه.
مسلسل «الاختيار 3» دراما فريدة من نوعها تتناول فترة عصيبة عاشها المصريون في ظل زمن جماعة الإخوان الإرهابية تحت قيادة الرئيس محمد مرسي.
ويقوم ببطولة مسلسل الاختيار 3 النجوم ياسر جلال في دور الفريق عبدالفتاح السيسي، كريم عبدالعزيز (زكريا يونس ضابط الأمن الوطني)، أحمد عز (مروان العدوي ضابط المخابرات العامة)، أحمد السقا (مصطفى خليفة ضابط المخابرات الحربية)، خالد الصاوي (خيرت الشاطر)، صبري فواز (الرئيس المعزول محمد مرسي)، عبدالعزيز مخيون (محمد بديع مرشد جماعة الإخوان الإرهابية)، بيومي فؤاد (سعد الكتاتني).
يعرض مسلسل الاختيار3 على قناة ON E فى تمام الساعة 9:30 مساء. ويعرض على قناة ON دراما الساعة 11.20 مساء،ويعرض الساعة 6 صباحا والساعة 10.30 صباحا والساعة 4.40 مساء
